之前喺香港開過演唱會後，任賢齊嚟緊七月會喺澳門做巡迴演唱會，噚日佢喺台灣，接受商台嘅長途電話訪問。近年小齊已成立咗自己嘅公司，仲簽咗蘇永康，變成老闆嘅佢話：「以前做歌手只會使錢，家就好唔同，要計埋成本，有時自己都要喺藝術家同商人之間拉扯。」做咗老闆嘅小齊話會更加努力，希望同事有穩定收入照顧家人。