洪欣噚日喺觀塘apm聯同花藝大師製作鮮花藝術品，又同現場大班媽咪預祝母親節。身為媽咪嘅洪欣話，11歲嘅囝囝喺以往嘅母親節都會親手整禮物送畀佢，但佢透露近年囝囝逐漸長大，識得偷懶，唔再整禮物畀佢，洪欣話：「佢家會問我想要乜，我講笑話想要樓同車，佢話等佢大個就會買畀我，雖然我唔係真係想佢買，不過聽到都真係好甜。」