今屆歐霸盃決賽嘅場地較為陌生，係位於羅馬尼亞首都布加勒斯特嘅國家體育場（圖）。呢個球場可以容納55,200人，係羅馬尼亞國家隊嘅主場，會用嚟舉辦國內盃賽嘅決賽；除咗足球外，仲會喺度舉行演唱會。國家體育場喺07年開始重建，搞足3年，喺舊年9月重開，首場比賽係羅馬尼亞主場對法國嘅歐國盃外圍賽，兩隊踢成0:0。