季後賽首圈打得最激烈嘅，相信非快艇鬥灰熊莫屬。上周六第3戰返到快艇主場，兩隊鬥到難分難解，不過決心要將勝利當做27歲生日（6號生日）禮物嘅「舵手」基斯保羅（圖），最後2分鐘入4分，終以24分及11個助攻，帶領球隊以87:86險勝。而左手骨折嘅主隊小前鋒卡朗畢拿，竟然「紮住」上場！雖然只得4分，但已大大激發隊友嘅爭勝決心。