家去咗TNT做分析嘅名宿奧尼爾（前）牛高馬大，成日整古做怪，又點會估到佢原來都係讀書人？佢早前完成咗Barry大學嘅教育系博士學位，上星期六喺邁阿密校園行畢業禮；7呎1吋高嘅「巨無霸」要跪低，先接受到系主任為佢圍上代表正式成為博士嘅圍巾。佢返埋位時仲同班書友highfive，做咗doctor都咁搞鬼，真係冇佢符。