「雙非就話堵截啫，我係香港人，佢哋都唔俾我老婆入境，好冇人情味」。42歲任職裝修的曾先生，日前帶同27歲、懷孕31周的妻子「阿梅」從落馬洲入境，但因無預約證明被拒入境。曾表示，最初對在港預床位打定輸數，但上月尾多間私院突然公佈有床位，令他覺得還有一線生機。
「仁安話有位，要兩公婆去做預約同宣誓，但係入境處唔俾我老婆過關，我又點辦預約手續呀！」曾說，他不是故意拖到現在才預約，只是當初確沒有床位，他希望入境處能夠酌情處理港人內地配偶的個案，「都係啲雙非累街坊。我始終覺得我係香港人，我個BB應該有權利喺香港出世」。
促入境處用酌情權
近日本地私家醫院出現「有床位冇人生」的罕見情況！中港家庭權益會組織者曾冠榮表示，已有8名會員向他們求助，指近日獲本地私家醫院答覆可提供分娩床位，但因他們的妻子懷孕滿28周，被拒入境，無法辦理預約手續。「其實入境處可以考慮使用酌情權，批准懷孕滿28周嘅港人妻子入境，等佢哋可以辦理預約手續同宣誓，因為佢哋嘅雙程證係有效㗎嘛」。曾冠榮說，已將以上的求助個案轉交立法會議員處理，希望能協助她們入境，「當然，如果私家醫院能體諒港人與內地配偶的情況，准許丈夫一人辦理預約手續，之後再帶妻子過關，咁就最理想」。《蘋果》記者