郭晉安與太太歐倩怡昨日拍拖出席青衣城的母親節活動，安仔一家昨晚食自助餐提前慶祝，事緣太太在母親節期間會飛往西安山區作探訪，首次出外探訪的倩怡說：「第一次去心情緊張，大會想我用母親身份融化當地小朋友，我驚畀佢哋融化先。」倩怡出外探訪一星期，安仔說：「我會湊囝囝，對我嚟講係挑戰，我驚佢會問我媽媽去咗邊。」
欣宜聽《媽媽好》會喊
另外，欣宜昨日到深水埗探訪新移民家庭，問她會否臨近母親節特別想念媽咪沈殿霞？她坦言：「當然會啦，尤其係電台喺母親節成日播我唱嘅《媽媽好》，家都唔敢聽，因為會喊。」陳倩揚昨日到鑽石山出席活動，她表示會於書展推出一本有關BB出生的指南書。
採訪：馬建華、譚倩宜、文國駿
攝影：黃偉雄