無綫前藝人車保羅嘅媽媽上月病逝，車保羅日前透過無綫發消息，之後無綫高層曾醒明通知佢，話有神秘人捐三萬蚊資助殮葬費，車保羅噚日為亡母喺紅磡福澤殯儀館設靈，佢話：「榕光社捐咗四萬，曾生再打畀我，話有神秘人話如果唔夠錢，由佢補貼，仲捐咗三萬蚊，合共籌到七萬，我估神秘人係方逸華，媽咪過身前曾經同佢打過牌。」