霍啟山同許鋌鏗噚日喺天光道出席足球活動，提到有傳哥哥霍啟剛今年同郭晶晶結婚，霍啟山話：「呢啲私人事，遲啲有消息再同大家分享。」問會唔會做伴郎？霍啟山依然封嘴，問佢最近忙緊乜？佢話搞緊沙灘足球賽。問佢會唔會冇時間拍拖？霍啟山笑住話：「咁又唔係。」另外，許鋌鏗話以前有參加足球校隊，出場時有女同學歡呼，好有虛榮感。