周柏豪前日喺旺角出席電訊活動，佢話之前睇咗好多旺角高空掉腐蝕性液體嘅新聞，所以出發前好擔心，仲諗過戴帽到場。柏豪又話自己玩手機玩上癮，無論去廁所、食飯，甚至冲凉聽到有短訊都會即時覆。問佢係咪要同女友keep住傳短訊？柏豪話：「冇女友，係朋友呀，不過我真係要戒呢個壞習慣，有好多朋友同我食飯時都會叫我唔好玩手機住。」