黃宗澤、林峯、吳卓羲和鍾嘉欣等，前晚為無綫音樂總監鄧智偉的「平行回憶演唱會」擔任表演嘉賓，方逸華和樂易玲均有到場，林峯緋聞女友陳嘉桓亦陪爸爸一齊睇騷。鄧智偉在林峯要求下，終於開金口唱了幾句，鄧智偉眼濕濕說：「我唱唔代表做幕前，只想答謝支持我嘅嘉賓。」
買樓才成家
早前胡杏兒被內地型男于波在微博大讚，身為男友的黃宗澤被指要同人爭女，他一臉自信，問他是否已「落定」？他笑說：「買樓咩？佢係靚仔過我，咪當宣傳囉，但我啲緋聞多過杏兒啦。」好兄弟林峯不客氣說：「落定都有限期，可以撻定。」宗澤表示與杏兒對結婚有共識，他說：「我想買埋間連頂樓複式單位先成家立室，三年時間差唔多，我都想生仔嘅。」
另外，有指林峯最近拍無綫劇《雷霆掃毒》時經常遲到，他說：「每個演員都會遲，因為成日飛紙仔，有時外景接唔到廠景。」
此外，早前有傳鍾嘉欣和男友伍允龍分手，不過昨日伍在微博貼出一張拍新戲的劇照，原來他在王晶執導的新戲中擔正做男主角演馬永貞，嘉欣見到他的劇照即留言說：「恭喜Philip（伍的洋名），加油。」可見兩人感情未變。
採訪：李珮洳
攝影：陳志嵐
