天到！其實又點止「馬來亞春色綠野景致艷雅」？須知香港都有好多郊遊勝地好受歡迎，好似迪欣湖、大尾督，假日都有好多人、一家大細去野餐，唔知大家為咁開心嘅野餐活動做足準備未？
記者：陳家蕊
攝影：蔡家輝、楊錦文
Model：Kara、Tan、Deddy@PureModels
日本至潮 隔水野餐蓆
到郊外野餐，目的當然係親親大自然！但係坐在有濕氣的草地上，難免會弄髒衫褲同食物，所以一張用來坐的野餐蓆，絕對少不了！
「紅白格仔布」已是咸豐年之事，一向推崇追求生活品味的initialLifestyle，最近就在世界各地引入多個品牌，其中就有來自日本型格戶外用品品牌──OpenYourEye，所推出的戶外野餐蓆，有品味、極實用！先講外表，這一系列野餐蓆子，皆以摩洛哥的幾何圖案作設計，所有圖案均是編織出來而非普通印刷品，感覺細緻非常。
用料方面，佢起用了Cordura尼龍物料，再用原始「提花技術」編織而成，持久和有抵抗性，可防草地的濕氣，再用精緻的皮革索帶，捲住收納勁方便！
環保水杯180天即化
問過鍾情郊外活動嘅朋友，知道好多時野餐前的活動，大多係遠足行山！到累的時候才會坐低食嘢；須知家天氣熱，好容易消耗體力，帶充足的飲料固然重要！而一個好用的水樽，會否為你的旅程更增添趣味？
外形好似汽水鑵，但實則用上「生物分解塑膠」所做的ecuocan水杯，真係夠晒特別！佢除咗可保證180天於堆填區分解、夠晒環保之外，無論你的飲料溫度由-20℃至120℃都適用！防漏輕巧的設計，放在背包最妥當！
如果你係聞「膠」色變，又驚塑化劑者，咁你可以考慮不銹鋼水樽老牌──KleanKanteen，其保溫可達6小時，保凍更可24小時，一直是行山人士的信心保證！
行街野餐袋 保溫
情侶又或者幾個女仔野餐，帶晒畀心機整嘅食物，除了要有Feel又要靚，用番個野餐藤籃之外，用來裝食物的野餐袋，最好可以保溫，如果唔係整咗成朝嘅壽司變壞，邊個負責先？日本家品店就最明白女仔要靚嘅心理，新一季推出外表似足一般靚靚去街布袋，但卻隱藏了保溫功能，玩埋日本風、橫間外表，可愛又實用，相信無女仔可以抵抗！
超級韌淨 紙巾
野餐可能會帶好多紙巾，宜家家居新一季度就推出好多色彩鮮艷、夏日味濃的餐紙巾，質地靚到好似手巾仔一樣，唔會一抹就爛，而花花的圖案亦令你的郊遊感覺更繽紛，加上全新可摺式英式麪包籃，帶上山感覺仲唔似《仙樂飄飄處處聞》嘅情景？
a.initial（28829044）
b.英昌（23851255）
c.G.O.D（28905555）
d.宜家家居（31250888）
e.Francfranc（34273366）