太極樂隊前晚在紅館開騷，任表演嘉賓的包括林子祥、譚詠麟、許志安及草蜢等，太極七子以電單車手look出場，有七年沒返香港的主音之一雷有曜亦回港力撐好兄弟，結他手鄧建明更安排兒子上台表演非洲鼓。
性感女伴舞
太極在台上演繹多首歌曲，亦有嘉賓與他們合唱，其中阿倫甩嘴演繹《頂天立地》。太極表演時，有幾名穿bratop的女舞蹈員貼身為眾人伴舞兼撫摸他們。現場又播放由吳君如處女下海拍攝的《紅色跑車》MV，由於當時君如以濃妝艷抹登場，令台下觀眾爆笑，君如更拍下片段自嘲說：「睇番個MV係我嘅童年陰影，個妝太濃，仲以為拍雪姑七友，點知原來係美女與野獸。」由於個唱反應理想，太極在台上預告將會舉行演唱會Part2。
另外，阿Lam獲厚待打頭陣出場，阿Lam說：「好鍾意同太極唱歌，佢哋夠大聲，我聾嘛。」而阿Lam兒子林德信日前在銅鑼灣被發現與一名auntie嘆茶，原來該女士是其母親吳正元。
採訪：胡比
攝影：仇志德
