高海寧（高Ling）前晚與呂慧儀在灣仔出席名錶活動，高Ling自爆近日被人用電話性騷擾，未知是否因她早前在電視節目中連環倒奶太誘人所致。難怪高Ling前晚刻意讓賽，僅穿低胸吊帶裙現身，風頭被中門大開的呂慧儀蓋過。
高海寧和呂慧儀前晚在灣仔君悅酒店出席SwissAuctions春季拍賣會揭幕，示範新款名錶。二人同穿上銀灰色晚裝，呂慧儀中門大開乍現33C小籠包，比起穿低胸裙、展現34D大包的高Ling更勝一籌，並吸引現場不少男士彎身近望，更有人用手機影相。問高Ling今次酬勞是否可觀？她說：「啲衫唔係大會提供，但大家傾過要着靚啲。」
考慮報警求助
早前高Ling在電視節目中連環倒奶，未知是否太誘人，她自爆最近被人用電話性騷擾：「平時好少接冇來電顯示嘅電話，但前幾日開始成日有人好夜打嚟，接聽時佢竟然話『我想X你呀！』真係好驚。」
高Ling直言很擔心，會考慮報警：「啲人知我住址，好怕生命受到威脅，其實我今年2、3月時已經俾人喺微博騷擾，而今次就用語言。」
慧儀誘惑老公
已為人妻的呂慧儀不介意性感打扮，笑言有保鑣保護：「唔使老公批准，佢慣咗，我就嚟係屋企都咁着。老公係我嘅魔鬼教練，成日要我做運動同限制飲食，佢見我呢排瘦咗，仲鼓勵我咁着。」
談到被男士喪，呂慧儀笑說：「可能要近睇我哋隻手錶呢？係我迫佢哋睇。而且我着慣呢類衫，超級安全，我又唔會突然跳起或者有大動作。」她表示暫未有時間造人，但考慮到瑞士度蜜月。
採訪：卓寶花 攝影：陳慧安