周麗淇一直都俾人話係黃金盛女，噚日佢接受商台訪問時，就話冇睇過《盛女愛作戰》，佢話：「我自己覺得盛女呢個詞唔係咁差，單身有單身開心，只係生活方式唔同，我暫時好享受單身，始終我都唔會一個人，家我仲係有人追，不過冇一個鍾意嘅對象。」有傳周麗淇因為前緋聞男友鄭嘉穎，所以唔肯簽無綫經理人約，佢話：「唔會，冇諗過呢個問題。」