英超球星腰纏萬貫，有乜高科技嘅玩意未見過呢？不過，曼聯名宿兼教練麥佳亞（圖）日前就爆響口，有一位曼聯球星竟然唔識用3D電視！麥佳亞話：「呢名球星早前興致勃勃咁買咗3D電視，諗住睇3D高清球賽啦；點知睇咗一陣就發現唔對路，最後仲索性唔睇㖭。喺第二日操練期間，佢就同擁有相同型號嘅隊友傾呢單嘢，最後先知道原來係因為自己冇轉到3D台！」