英格蘭新領隊鶴臣喺上星期五，終於開始為自己嘅教練團組軍；首個動作就係委任富咸副領隊利雲頓做教練團成員。55歲嘅利雲頓同鶴臣喺07年一齊合作咗兩年半，據講兩人好合拍㗎。不過，鶴臣今次嘅組班，就難免引起外界猜測；唔知之前替英格蘭臨時掌帥的皮亞斯（圖），喺鶴臣「內閣」會唔會冇碇企，要返去執教英格蘭U21呢？