吳卓羲、林峯及黃宗澤等無綫一線小生，前晚傾巢而出力撐鄧智偉在九展舉行的音樂會。鄧智偉全晚表現沉默，沒有開金口獻唱，而久未獻唱的吳卓羲則表現失準，唱其代表作《別怪他》都走音，認真失威。
新一代無綫音樂總監鄧智偉前晚在九展舉行「平行回憶演唱會」，雖然有指門票滯銷，但前晚入座率達九成，並有一班無綫藝人王祖藍、李亞男、王君馨、梁靖琪及苗僑偉等撐場。吳卓羲、黃宗澤、鍾嘉欣及鄭欣宜等任表演嘉賓，並由許廷鏗打頭陣獻唱，林峯則壓軸出場，林峯說：「我當呢個係自己嘅騷，見證鄧智偉不斷努力做好音樂，好開心。」鄧智偉全晚表現沉默，沒開金口獻唱，只在台上感激一班歌手及方逸華和樂易玲兩位伯樂。
黃宗澤妖味濃
近年專注拍劇的吳卓羲，前晚唱出其代表作《別怪他》，但未知是否重新編曲，他明顯捉不到key，高音位還有點走音。他事後解釋：「可能戴咗耳機，聽唔到自己把聲，聽晚（今晚）會唱好啲。」問是否太耐冇唱歌？他尷尬說：「唔係，間中有去登台。」黃宗澤則以smokyeyes妖味妝容登場，並選唱女友胡杏兒的歌《幸而》，他笑說：「佢嚟唔到，我代佢唱，但實情係鄧智偉好鍾意杏兒呢首歌。」
昨日是黎耀祥48歲生日，其太太和囝囝前晚特別到場欣賞他演出。祥仔與古巨基合唱《義海豪情》，基仔更把該曲歌詞改成生日歌，又送上蛋糕。
欣宜有新歡錫
另外，欣宜被問前男友Mark和新歡韓模Jin同場拒合照，她說：「呢個係人哋嘅騷，喺度講有啲尷尬。」有指Mark已有新女友，她說：「呢排冇聯絡，係就恭喜佢。」問欣宜是否與Jin拍拖？她說：「朋友啫，好多男女朋友都好錫我。」
採訪：文國駿
攝影：黃文偉
