雲想衣裳：GarethPugh同窗　至英Hill西

英國人為我們留下的事物很多，如一套官仔骨骨西裝便是代表之一，講求貼身收腰、露袖吊腳，不論何種職業，總需一套FormalDress傍身。畢業自時裝名人學府CentralSaintMartins的土生英國人AnthonyHill，剛成立同名西裝品牌及新店Hill，繼續發揚大不列顛魅力。

記者：雷福財
攝影：劉永發
模特兒：沈志明@JamCast　
化妝：呂旻熹　
髮型：[email protected]

名人堂出身

■藍色亞麻布西裝褸$6,250、藍色恤衫（Stylist'sOwn）、藍色短褲$1,500

出生自英國倫敦Buckinghamshire的Hill，畢業於時裝學府CentralSaintMartins「FashionDesignWomen'sWear」，連McQueen、StellaMcCartney、JohnGalliano、KimJones等都畢業於此系。一貫典型英式紳士味，窄西吊腳褲，自小更情迷FitSize服飾，最BuyTomFord的設計。既屬名府，當年的同學仔自有不少卧虎藏龍之士，其中最響噹噹的是GarethPugh。Hill：「我同佢都係同班同學，佢嘅衣着同品牌路線同幾年前差無幾，同樣係Punk、Rock同Gothic，大家畢業後各有各忙，家都很少聯絡，哈。」03年畢業後，於倫敦做過不少Freelance工作，包括為PaulSmithMainline設計女裝西裝，但厭倦倫敦的刻板工作，做唔夠三年隻身飛到香港，展開浪遊生活，更估唔到係當年的一個決定，可推出自己的品牌。

浪子變成港男

Hill邊托眼鏡邊道：「當年我得26歲，當然好想攞多啲人生經驗，於是四圍浪遊去旅行當Refresh，但因為爸爸喺香港生活，於是就揀咗呢度為基地。」
「06年來到香港先發現好少Design工作，於是同時做兩份工，幫朋友做Freelance設計及英文教師，但目的只為旅行、交租。其後喺SOHO酒吧內識到現任的未婚妻，亦令我開始為自己將來作打算，六個月前開始着手於網上賣西裝及搵地方開時裝店。」
只差一年便住滿七年的Hill，坦言到時一定會申請香港身份證。「我認為這張身份證是我的人生里程碑，由一個不懂事，只想去Party旅行的小朋友到現在擁有婚姻及事業，感覺自己真正生存喺生活中，這些東西都係香港給予我的。」

■藍色縐條紋西裝褸$6,250、藍色縐條紋長褲$1,900、白色恤衫及藍色Tie（Stylist'sOwn）

■淺藍灰色西裝褸$5,000

■軍藍色西裝褸$5,000

■棉質西裝褸$5,000

Hill西　四大Details

■西裝袖長設計較短，方便露出恤衫手袖，約2/3至半吋方為最佳。

■西裝的領口位呈V字形，應與恤衫領口位成水平。

■每年西裝褸必玩收腰Cut，有別美式闊身設計，令男性身形更有線條。

■一件合身的西裝褸必為緊貼胸前，不會皺起。

延續英式SlimCut

雖則叫Hill，實情一點也不囂，更是一貫英倫GentlemenStyle，一身打扮與品牌服飾脗合到極。由於現時One-manBand，服裝數量不見得多，春夏暫推十多款，但勝在唔怕撞，更仔細考究物料。Hill：「英式SlimCut剪裁為首要，其次我偏好選用CottonJersey作為主要物料，原因是夠輕身、防皺、散熱度高，更適合香港及中國氣候，風格偏向SmartCasual，而每一件西裝或褲都是由人手車線，終極願望當然係一講起西裝褸就諗起Hill，好似Apple咁Worldwide，當然現在處於起步階段，一切都要一步步地走。」現時店舖已於同層租埋另一單位作互連，約六月前完成。有興趣一試，上門前記得先預約最穩陣。