陳玉蓮昨日在油塘出席「香港復康力量：全港無障礙商場表揚活動頒獎典禮」。蓮妹早前重回無綫拍劇，她表示完成工作後暫不再接工作，專注在內地探訪，月中她便會探訪山區窮鄉。
「唔想再輪迴」
蓮妹說：「呢幾年不停做資料搜集，睇吓有邊啲貧困山區需要幫助，我同一班志同道合朋友為數十人左右，我哋自己開車去到落後地方，咁多年嚟發覺原來唔係只有山區人好窮，好多住喺城市嘅人生活都好困難。」
有傳蓮妹有意出家，她否認其事，還笑說：「我家咪企喺你哋面前，我從來冇皈依，一直都係帶髮修行，我冇一個宗教，修嘅係唔想再輪迴，唔想做人係因為做人比較痛苦，只要深入諗清楚就會發覺有邊一個可以笑住咁終結，通常都係痛苦，我等嘅係上天意旨，我唔係生活得唔開心，相反我份人極之樂觀。」採訪、攝影：魯萍