湖人巨星拜恩（圖）喺2月明星賽嗰陣畀獲迪打傷個鼻，搞到之後11場波都要戴面罩上陣。而佢日前就決定將個面罩放上網拍賣，收益全部會撥入佢同前妻雲妮莎聯名嘅慈善機構，幫助洛杉磯嘅年輕露宿者。一眾球迷見到呢個有Kobe簽名嘅面罩即時瘋狂；拍賣開始咗一日多啲，由起價250美元瘋狂跳升到3,250美元（約25,216港元），拜恩魅力真係沒法擋。