近日天氣Keep住三十度，沙灘開始人滿為患，亦證明夏天正式到臨！寶寶快高長大，各位父母又係時候網羅最啱小朋友的游泳用品，由一歲至七歲，相信以下用品都幫到你。
記者：陳家蕊
攝影：蔡家輝
Model：Chloe、Ryan、爽爽@PureModels
楊善彤 3個月大
我最鍾意瞓覺！唔瞓時會做乜？之唔係格格笑囉！
要專業 棄水泡
以往記憶中，小朋友學游水，除了會穿泳衣，還會套上水泡，充氣手袖等，幫助小朋友浮起；但水泡套上後，小朋友雙手就唔夠靈活，係小朋友學習游水一大障礙。
其實坊間早已出現一些可以附有浮綿的小朋友專業泳衣！而Mothercare就引入了最新游泳用品品牌—Konfidence，佢將兒童游泳概念，與漂浮及舒適美觀糅合在一起，推出了一系列兒童游泳背心與防紫外線泳衣，當中主打是浮水背心及泳衣，內有八個抽取式浮水綿，可隨意調校數量及浮力，並因應小朋友的學習程度而改變！
另外它的防紫外線泳衣，由高密度防紫外線材料製成，通過歐洲各項防紫外線檢測標準，太陽伯伯去到紫外線40度都唔驚！
寶寶一歲游得起
寶寶幾大先可以學游水？有報告指，學得越早（出生後即可學習）、寶寶越能激發早期智能；但小朋友太細個，可能控制不了大小二便，遇到如此情況可穿上游泳尿布，或用加了毛巾在屁股的泳衣，咁就唔使驚一池都係啦！另外對於寶寶嚟講，保持水溫好重要，也不妨穿上有保暖效果的泳衣。
同場加映：玩味泳裝
a.Mothercare（25041088）
b.N-STONE（27831125）
c.媽媽王國（81972533）