盛女成為本港熱門話題，莊思敏卻絕不介意做盛女，她認為三、四十歲才是最盛放時候，在17年情路上飽歷六段情，傷痕纍纍的莊思敏15歲初戀：「每次分開都好傷，最短只維持幾個月，最長係吳浩康（Deep）嗰段五年幾。最傷心唔係被男友背叛，而係超越咗自己底線，為遷就對方，不惜做出背棄自己行為，亦曾親眼見到男友同第三者拍拖。」
莊思敏勸全港盛女不用心急，寧缺勿濫，最緊要保養得宜：「其實香港嘅剩男比剩女嚴重好多，好多剩男都係宅男，唔識同人溝通，男仔一定要主動，我好怕男仔懦弱，我寧願冇，都唔揀一個見到蟑螂會跳上枱嘅男仔。」她同樣謝絕蒲吧男，覺得他們皆以性行先。
採訪：山葵
攝影：仇志德