馮仁昭四圍超：徐子珊遭蚊叮怕登革熱 - 馮仁昭

拍緊無綫新劇《雷霆掃毒》嘅徐子珊，噚日出席喺跑馬地馬場嘅活動，見佢玩模擬賽馬遊戲好投入，徐子珊話：「以前以為去睇賽馬，要着得好靚先入得。試玩呢個遊戲都覺得好玩。」問會唔會賭馬，徐子珊話最緊要係小賭怡情。講到拍劇，徐子珊話好多外景，搞到對腳成日畀蚊針，仲腫晒，佢仲話發現會傳播登革熱嘅白紋伊蚊，所以幾擔心。