蔡卓妍（阿Sa）昨日濕身往商台接受訪問宣傳新歌，她稱前晚已挑選好衣服準備昨日宣傳之用，怎料被人洗了，害她一早起身用風筒吹衫，直至登上保母車時，衫仍有點濕。對於LadyGaga自爆買A貨被海關登門查問，她驚訝說：「香港係購物天堂，真係乜都有，佢使乜要買老翻？」阿Sa透露曾穿過一位設計師將某品牌的logo改少少而推出一系列Tee：「最後嗰個品牌寄信去我公司話其實阿Sa嚟買我哋牌子都會有折扣。」
阿Sa認為政府立法二次創作定為刑事罪行，會扼殺創作空間：「好驚係一個先河，家要監管呢樣，遲啲監管啲乜？有時二次創作幾有娛樂性，大前提梗係唔可以攻擊人。」她認為立法後會影響娛樂界創作，又存在灰色地帶。
採訪、攝影：馬建華