馬刺星期三主場對爵士，賽前教練普波域治喺名宿大衛羅賓遜手中，接過今季最佳教練獎。至於比賽就完全一面倒，馬刺憑高壓迫性防守控制比賽，最後狂炒客隊114:83。最有趣嘅係第3節嗰時，最佳教練見贏緊咁多，梗係想收起班主力，但係全場攻入18分嘅柏加（右）唔聽話，仲同普帥話自己得29歲，3日冇比賽想打多陣喎。