台灣型男趙又廷和內地女星高圓圓擦出愛火，但銀幕上他的另一半是Angelababy（楊穎），兩人近日合作新戲《第一次》，Baby坦承跟趙又廷相處多時相當投契，不避嫌互訴心事。戲中Baby又要大放催淚彈，為演繹喊戲她向韓國悲情天后孫藝珍偷師。
趙又廷和Baby繼《痞子英雄》合作後，最近再度合拍愛情片《第一次》，電影由有「內地九把刀」之稱的新晉導演韓延執導，可惜結局不是happyending，大走悲情路線，難怪一向眼淺的Baby，看到劇本已忍不住喊了幾次：「我拍戲以嚟都未試過拍咁傷感嘅戲，都幾大挑戰。」
Baby在戲中向觀眾大放催淚彈，她在開拍前做足功課：「我好鍾意睇孫藝珍嘅戲，特別係佢啲悲情片，臨拍之前我不停翻睇佢啲作品，希望可以從中偷師。」
向孫藝珍偷師
導演安排趙又廷和Baby先苦後甜，甫開鏡先集中拍攝戲中的苦情戲份，Baby回想獨自拍一場相當激動的喊戲：「劇情講我收到一個好震驚嘅消息，好傷心，初時好難喊得好厲害，但再諗番孫藝珍戲中嘅劇情，加埋諗啲唔開心嘅事，結果都順利喊到，停咗機我都仲喊緊，抽搐到停唔到。」Baby坦言當日和劉德華拍《建黨偉業》時亦要拍喊戲，不過很難入戲喊出來，但今次能發自內心，令她終有演戲的感覺。
咀前溝通充足
至於再次和趙又廷合作，Baby稱上次在《痞》的對手戲不多，其實和他並不熟絡，不過今次在廈門鼓浪嶼逗留30天拍攝，友情亦隨之加深。Baby和趙又廷拍咀戲，她說：「事前大家溝通得好好，拍kiss場面都好順利。我覺得佢好gentleman，好玩得，大家有心事都會傾。」採訪：丁寧