腹大便便的李樂詩前晚與老公TedLee到灣仔出席攝影展時，大晒幸福，平日被囝囝黏到實的李樂詩，正訓練囝囝與爸爸多點相處，好讓自己騰出更多時間，為8月出世的細仔做足準備，至於會否再追女，她就謂已沒氣力，要看緣份。
攝影師又一山人（黃炳培）前晚在灣仔舉行「你眼：望我眼」攝影展，邀得常霖法師（即葉青霖）、Qeelin設計師陳瑞麟、戴妮廷及內地當紅攝影師陳漫等14位攝影師，以兩人一組為對方互影，吸引了李樂詩與丈夫、鄧達智及候任特首梁振英到場支持。
抱囝囝再行禮
懷孕六個月的李樂詩說：「預產期係8月，家都有少少辛苦，因為要湊住個大仔，同埋開始教育緊佢將會有個細佬，不過佢都唔識期待。」會否擔心囝囝呷醋？她說：「唔知，應該唔識呢啲嘢，不過佢平日好黐我，家要訓練佢黐爸爸，早兩日佢哋游水，好似都幾好。」她希望再次感受生BB的感覺，因此已選擇順產，她笑言：「生埋呢個都冇乜氣力，追唔追女就隨緣啦。」她又謂下月將到夏威夷，慶祝結婚四周年：「到時我哋會再行禮，抱住囝囝行禮感覺好得意。」
鄧達智母患癌
同場鄧達智透露母親證實患第一期胃癌，現時要在小腸插喉幫助消化，他說：「佢都唔係好適應，瘦咗一半，不過仲好精神。雖然已經83歲，但之前都好照顧我，係個巴閉媽咪。」他指醫生現時不敢為媽媽做手術，幸好媽媽非常樂觀。
採訪、攝影：梁錦雯
