「E級超蓮」鍾采羲（Iris）曾與唐貝詩傳斷背，近日卻自製緋聞，在微博放上一張與一名年輕俊男合照。穿上紅色低胸衫的Iris將頭輕輕靠在男伴膊頭上，一副冧爆樣，還叫大家估他是誰？有網友指他是黎明和謝霆鋒的混合體，估計二人是情侶關係。昨日有讀者爆料指，「老翻霆鋒」剛於英國著名大學畢業，現於一間全球房地產服務機構返工，有學識又靚仔，絕對是筍盤。
Iris昨日在電話中笑不停，她說：「放相時都驚俾人寫，估唔到真係有人問。」她透露二人在英國讀書時認識：「據我所知佢家冇女友，所以我哋先可以咁close。」問到會否是追求者？她說：「應該冇，但最近確係有人追，對象亦唔錯。如果大家覺得佢靚仔，可以問吓佢入唔入娛樂圈。」
撰文：丁寧