近排民企「假做真時真亦假」，當大家聞「民企」喪膽之際，民企之父張化橋再喺博客點評，佢話假賬係龍的傳人產物，又話「中國的假酒和坑渠油有幾多，貪污腐敗有幾普遍，企業假賬就有幾嚴重。」而領嘢嘅唔只係牛頭角順嫂，好多分析員包括佢本人都中過伏㗎！
監管機構對騙局冇符
張化橋話，對有心做假數嘅公司嚟講，用增持或回購股份嚟掩飾只係雕蟲小技，好似股票跌一成，公司攞一億嚟回購，再跌10%，大股東或公司高層再攞20萬增持，如是者再跌，最後都唔回購啦。佢又以對冲基金經理DavidEinhorn同投資公司AlliedCapital埋身肉搏做例子，指呢種「龐式騙局」大多業務複雜，而季季有分紅，監管機構就抱住「多一事不如少一事」心態等等，令佢哋可以混咁耐。
「一個只值5元的東西賣到20元，難道不是敲詐投資者嗎？」張化橋強調唔係要政府干預股市價格，但見到假賬橫行，「股票」不對辦，當局就要檢視政策同制度係咪合理嘞。