一身CdG恤衫、BARTONPERREIRA圓框眼鏡、NewBalance波鞋為他確立了深入民心的「志明Look」，街頭倒模版氾濫，余文樂出動私伙打造的造型功不可沒。卸下廣告人標準打扮，潮人話自己其實是個懶人，不愛鮮色不愛轉風格，簡單最討好，顏色離不開黑白灰藍。今回就由他示範今夏最強的藍色系造型，着上身夠晒Free！
撰文：藍又潮
攝影：伍慶泉
Hair：BenYeung@HairCorner
Makeup：JennyTziong
場地：REDBar+Restaurant
生力軍Designer
身為潮人又主理過潮牌COMMONSENSE，余文樂今次為生力清啤設計Light&FreeLogo，以浪花為概念，將夏天的動感和玩樂精神化成圖案，印在Cap帽和拖鞋上。限量潮物以藍白為主色，去沙灘必備！想換的話，只要於有生力清啤大使的酒吧或食肆惠顧生力清啤12支，即可獲余文樂設計的潮流精品乙份。
（推廣期：5月中至5月底）
想去瓦努阿圖
藍色雖然可以代表Blue而憂鬱的藍調，但套在阿樂身上必令人想起陽光，當事人對藍色有甚麼聯想？阿樂：「藍天代表夏天，令我諗起水的顏色和最愛嘅水上活動，我哋球隊（橫洲工業）都係以藍作主色，而我個雜誌專欄COMMONSENSELogo都係藍色㗎。」是以，迎接夏天降臨，他為生力清啤設計的別注贈品Logo，亦以浪花和藍色為設計概念，「藍色令人聯想起水，而且我個人比較Sporty，設計都係圍繞住呢個Concept。」平日愛滑水的阿樂，對海水的幻想只在腦中，渴望的暑假似近還遠，「近排工作未停過，想搵個小島潛水，要離開香港，逼自己唔做嘢，先係真正嘅休息。」雖然剛剛忙裏偷閒，與家人去曼谷度假，但到處都是香港人，難怪他說想找個地方避靜，「之前去過馬爾代夫，想再去多一次，或者去澳洲，聽聞都好靚。」近來最Hit的瓦努阿圖，人迹罕至，水清沙幼，或許也是阿樂的目的地。
最愛彩藍
早前忙於全國宣傳《春嬌與志明》，工作未停過，「近來都無時間留意Fashion，揀衫好求其。」惟一直愛COMMEdesGARCONS從未變心，也是源自一份安全感，「因為知個Fit一定啱，尤其恤衫實唔使改，WATANABE都一樣。」答案可能令追隨他的潮人失望，不過諗深一層，不Fashion-forward的簡單配襯，似是道出大部份男生的置裝規條，「自己Style唔會轉，揀衫一睇就睇到。」唯一的「轉變」，只是成熟了，由從前的潮牌Tee變成以恤衫為主，而下身除牛仔褲，近期亦愛配襯Chino。論顏色，也是由安全牌藍色大熱跑出，「少少似姣婆藍嗰隻彩藍，我最鍾意。」也是，黑太沉、白易髒，與阿樂的取向一樣，中庸藍調頓成男生夏天衣櫃裏的水泡，而且今季日牌如Visvim、JUNYAWATANABE與法牌A.P.C.、BleudePaname等都投入一片藍。加上Denim大熱，連izzue亦特別與牛牌Wrangler交叉合作，DenimShirt確實不能缺少。
藍白配最Summer
藍與白從來是PerfectMatch，這本來屬於晴空的顏色配搭，穿在身上視覺效果同樣清爽、精神，而且毫無駕馭的難度。
a.eYeJUNYAWATANABEMAN（28689234）
中環雲咸街22號
b.HarveyNichols（36953388）
中環置地廣場G/F-4/F
c.COMMEdesGARCONS（28695906）中環雪廠街10號地庫B2號舖
d.izzue（28907081）
銅鑼灣希慎道1號地下G2號舖