李克勤昨日以nowTV歐國盃大使身份，在大埔出席慶回歸活動，候任行政長官梁振英也出席。昨日凌晨克勤欣賞了曼聯對曼城球賽，結果曼聯輸了，他說：「有咗小朋友後，我已經好少深夜睇波，但噚晚忍唔住起身睇夜波，可惜曼聯輸咗。」
親接上下課
對於有小朋友在名校險遭綁架，克勤緊張說：「我同老婆是但一個會陪細路返學同接放學，記者最好都幫吓手睇吓，我哋真係請唔起保鑣，希望單綁架事件只係個別事件！希望以後為咗小朋友安全，影咗小朋友相可以打格啦。今日喺活動見到梁振英，我都會同佢反映小朋友返學嘅安全問題。」會否討論網上23條立法？他說：「其實呢條法有太多灰色地帶，應該審慎處理，如果啲網友玩得唔過份，我可以接受。」
採訪：魯萍
攝影：陳俊強