曾幾何時，你我都入過網吧，唔係Group埋班Friend分組打《RainbowSix》，就係埋頭苦幹操《Diablo》。事隔12年，Fans由仔等到變大人，廠方終於捨得出第三集，機迷早已密謀埋堆打個天昏地暗，人氣爆晒燈，搞到Game未出舖頭已大嗌唔夠貨拒收訂！香港已鐵定本月15號凌晨作首賣，地點係尖沙嘴港威商場HKRecords，寸到普通版、特別版每人只限買一套，首500名更可獲原聲CD、特別版Tee或珍藏海報等禮品。唔想人有你無，都係擔定凳仔準備排隊啦。
凡購買普通版（$529）或特別版（$919），可獲贈特別版Tee一件。