史雲斯領隊羅渣士仕途順風順水，出道4年，今季一直睇淡之下幫球隊成功護級，成績仲非常好。不過，羅渣士嗰仔安東羅渣士（圖）就唔爭氣，惹上官非，涉及一宗性侵犯案件。19歲嘅安東羅渣士踢緊英冠嘅白禮頓，警方話喺舊年7月17號，佢同李維士鄧克、佐治巴卡及史堤夫曲克幾名年輕隊友，涉嫌性侵犯及非法偷拍女子。家4個人都被落案起訴，將會喺今個月11號上庭。