猶記得舊年夏天，阿仙奴斟球員加盟斟到球季開都未掂；今屆，兵工廠就啱啱相反，喺日前確認咗科隆嘅前鋒普多斯基來投之後，又嗱嗱臨同阿積士展開洽談，羅致佢哋嘅後衞維頓漢，希望佢可以同華美倫組成比利時雙中堅。由於維頓漢同阿積士嘅合約剩番一年，兵工廠仲預料可以以700萬鎊（約8,800萬港元）嘅超筍價簽到佢㖭！