【記者李啟發報道】服務街坊12年的彩虹邨舊式文具舖「心意店」，遭海關成功追擊檢控後，今日將正式結業。一眾街坊依依不捨之餘，不禁批評海關的無情，扼殺小商戶生存空間，加上領匯霸權嚴重，憂心這類小店從此消失。有街坊介紹朋友接手經營心意店，延續老闆的「文具小店夢」。臨別在即，老闆不禁灑下男兒眼淚。
去年海關票控老闆林俊明出售的棋盤紙不足0.038毫米，有違國際安全標準，重罰14,655元。林自此提心吊膽，終決定將店舖結束，並已覓得醫管局藥房助理職務。他受訪時慨歎：「其實我捉棋幾叻，估唔到今次衰響棋盤上」。
領匯加租亦迫走行家
林一直捨不得結束心血，但新同事待他很好，令他狠下心腸。但在最後一刻，心情難免矛盾，說到此時，林禁不住流起淚來，始終捨不得。除了自己遇上海關追擊，他亦嘆謂多名邨外朋友，包括另一文具店主和報販，因領匯加租被迫走，「好多正直同努力嘅人，都得唔到好結果」。
有認識多年的街坊向他介紹無相關經驗的朋友，希望接手經營心意店，但他想勸對方「唔好犯險」。他批評社會太多不公平事，「我罰萬五，咁唐唐大違規，應該罰佢千五萬啦；新界村民起四五六層樓都得，係惡就冇事」。
由於林不欲張揚心意店結業，只在門外貼上「全部八折」字樣，不少街坊直至記者告知時才得悉。街坊李先生直言「你都知海關要證明自己有做嘢，但化驗棋盤紙都幾千銀，係咪要玩咁大呢？」林先生亦無奈道：「平日買開有感情，其實都係街坊搵飯食啫，都畀人扼殺生存空間」。屋邨小商戶愈來愈少，不少街坊認為領匯是「兇手」。中五陳同學直斥領匯霸權嚴重，扼殺市民集體回憶，又罵政府「發水樓又唔捉，細舖就捉」。