黃榕前晚到尖沙嘴夜店打碟，原先大會指她會以比堅尼上陣，但結果黃榕只以黑bratop及短皮褲出現，貨不對辦，她聞言：「黑bra係內衣嚟，我仲着咗兩個，因為托得好啲，比堅尼冇wire托得冇咁靚，所以先着呢個。」
被酒客扯衫
黃榕表示今次酬勞有五位數字，若大會加碼要求她再性感會否接受？她表示：「接受唔到太性感，試過有人搵我着t-back打碟，酬勞有雙倍，但我都唔肯。」黃榕認為只穿t-back，稍為郁動好易走光。
若要求上身只貼乳貼會否答允？黃榕同樣表示不接受，她認為打扮要以靚為大前題。問有否試過被酒客抽水？黃榕表示：「試過俾人扯衫，但冇掂到重要部位，尤其係大陸嘅fans表現係瘋狂啲，香港一般係斯文好多。」
採訪、攝影：王連連