免費電視絲帶台,近期不斷重播舊節目外,連新聞節目都錯漏百出,之前英格蘭暫代領隊由皮亞斯講錯咗莫耶斯;噚日六點新聞更加錯得交關,片段係西甲愛斯賓奴對希杭,但報道員竟然可以將條片講成皇家蘇斯達對桑坦德(圖)。雖然兩場波都係3:0,但係波衫顏色、球隊名已經完全唔同,最好笑係皇蘇贏3:0,法國中場基沙文梅開二度;希杭贏3:0,3個入球球員都唔同,報道員都可以將兩個唔同嘅希杭球員,當成都係基沙文同一個人,真係認人都唔識認!