黎燕珊、羅霖噚日同一班仁美清叙成員喺觀塘做慈善活動，派米、藥同花，黎燕珊話仁美09年重組之後，第一年就籌到300萬，一路幫助好多人，佢哋今年會喺內地起兩間學校，嚟緊會再搞慈善餐舞會籌募經費，目標係籌超過300萬。黎燕珊話做呢份工初時，以為自己去幫人，後來發覺人生充實又開心，覺得自己好有用，其實係幫咗自己至真。