台灣組合五月天啱啱喺北京鳥巢舉行咗巡迴演唱會，今次嘅門票好快賣晒，由於場館可容納20萬人，為咗準時喺傍晚六點半開騷，主辦方下晏三點半已經放歌迷入場。五月天喺煙霧彌漫嘅舞台上出現，唱咗新專輯中嘅新歌《2012》，主音阿信仲叫現場歌迷攞起彩虹紙牌，排出「人肉彩虹」，之後歌迷又攞起藍色螢光棒，配合夜空砌出星海。