黃耀明在達明一派個唱上公開承認是同性戀者，不少人大讚勇敢。昨日凌晨明哥接受電台訪問，原來初中時已向暗戀的男同學表白，可惜被拒，更要找輔導員為他撲火。而外間一直以為明哥的愛人是外籍男子，但他自爆原來已另結新歡。
因為公開大膽承認是同性戀者，結果令黃耀明成為近日新聞人物，昨日凌晨他到港台接受節目《自己人》的訪問，繼續大談同性戀的話題。訪問中明哥重提自己在90年向家人坦白，更介紹自己穩定的伴侶給雙親認識，他表示：「其實媽咪唔係完全唔知，但當我話佢知時，佢都好sad同shock，我同媽咪仲大喊一場，我同媽咪講，唔好覺得係佢錯，我希望佢如果係愛我，就畀我過開心嘅生活。」
曾向男同學表白
明哥又自爆早在初中時曾向男同學表白，他說：「佢係我最好嘅男同學，我好鍾意佢，有一晚同佢傾電話時向佢表白，對方好好，但佢唔係同性戀。」明哥表示由於大家也是基督徒，因此對方提議雙方見輔導員，由輔導員為他撲熄心中那團愛火。此外，明哥承認同性戀後，一直未有公開另一半身份，外間揣測是曾被拍到的外籍密友，但明哥卻不自覺自爆另一半是新相識，他表示：「我半年前出新碟叫《拂了一身還滿》，但原本想叫《第二春》，因為當時自己好有動力。」
而接受傳媒訪問中明哥被問到有否立遺囑，以保障另一半，他再不自覺爆了一句：「未到呢個階段，因為啱啱識。」記者即問雙方是否熱戀階段？明哥未有正面回答說：「唔係啱啱識，唔好再講喇。」
籲咪騷擾另一半
自從公開剖白後，明哥成為狗仔隊追踪目標，他說：「放過我，唔好跟我，唔好搞我，我嘅另一半又唔係公眾人物，唔好騷擾佢。」
明哥坦言近日獲邀請到不同的平台討論同性戀，但他強調不是為自己，只是希望社會風氣能夠開放接納同性戀人士，為同性戀人士爭取應有的社會公平待遇。
採訪、攝影：馬建華