自從卡比路走頭後，英格蘭國家隊領隊一職一直懸空，而英足總日前終於話會同候選人喺星期一見面，不過並唔係之前嘅繼任人大熱哈利列納，而係西布朗嘅英格蘭籍領隊鶴臣（圖），仲可能係48小時後公佈佢成為英帥。不過，英傳媒就似乎唔多鍾意以64歲嘅鶴臣掌帥，佢哋唔係話鶴臣平庸，就係借球迷把口話唔想鶴臣帶領英軍。