曼聯兼荷蘭名宿雲達沙（右）賽前點評曼市兩軍門將，佢覺得曼聯嘅迪基亞似自己，曼城嘅赫特就似舒米高。雲達沙解釋，迪基亞身材瘦削，同佢出道嗰陣好似；佢仲大讚迪基亞適應力強，過咗半季左右嘅低潮期，就適應到英超嘅踢法。至於赫特，雲達沙就讚佢嘅反應同封位冇得頂，成日都做出「神救」，就好似以前嘅舒米高咁。