杜汶澤早前證實患咗罕見嘅「米勒費雪症候群」，個病最壞情況會令患者四肢癱瘓、呼吸困難、甚至窒息死亡，家阿澤已經停工全面休息，阿澤老婆田蕊妮都停拍內地劇返咗香港照顧佢，噚日阿田喺微博上載咗張阿澤嘅打坐相，阿田話醫生叫阿澤定時食藥，仲鼓勵佢多打坐，有助身心調整到最佳狀態，阿田仲叫老公加油。