GaGa前晚穿上紫色頭髮炮製的大露背裙來港，據悉其紫髮裙原來是其御用髮型師CharlieLeMindu設計，以真頭髮打造，早年陳奕迅開個唱時也專程請Charlie為其舞蹈員設計造型。
可惜GaGa今次一番悉心打扮，卻惹來英國傳媒勁踩，其中英國《太陽報》狠批GaGa造型似動畫《怪獸公司》（MonstersInc.）中的怪獸，而《每日郵報》亦勁彈她似足美國劇集《愛登士家庭》（AddamsFamily）角色CousinItt。
鄭兆良：有動感
名媛設計師鄭兆良卻十分欣賞GaGa的真髮裙，他說：「我十幾年前都用過真人頭髮做衫，GaGa着得好有movement。而GaGa喺韓國騷嘅舞台服裝好有挑逗性，其中一套人獸合體嘅衫係參考超現實藝術家H.RGiger靈感，其實背後嘅意識代表性行為，將異形與機械人合一，不過整體嚟講就過份黑暗。」