名模MandyLieu、林莉和葉翠翠昨日在沙田示範限量版名錶，三位女模都是單身盛女，Mandy表示不擔心成為盛女，翠翠則心急拍拖，更指有朋友將婚姻介紹人MeiLing的電話號碼給她，雖然知道MeiLing多筍盤，但卻沒有勇氣打電給給對方，反而希望上盛女明星版節目找男友。
沙田馬場昨日舉行愛彼錶女皇盃，古天樂擔任模特兒與名模MandyLieu、林莉和葉翠翠一起示範限量版名錶，當中林莉最賣力，露出事業線，古仔表示賭馬曾贏過幾萬元，希望退休後能當馬主。近日他在天津拍攝電影《毒戰》，問到有指該片導演杜琪峯對孫紅雷在片場的工作態度頗有意見，曾發火罵孫紅雷不夠專業，古仔否認說：「冇聽過，個個都好專業。」
Mandy放遠眼光
盛女葉翠翠表示恨拍拖，朋友最近給了婚姻介紹人MeiLing的電話號碼給她，葉翠翠說：「我未必有勇氣打呢個電話，如果話畀MeiLing聽我係葉翠翠會好尷尬。我都知道佢有好多筍盤，朋友都係貪得意畀個電話我，或者我會一、兩年後先call，但我唔介意參加明星版盛女節目，可能會有意外收穫。」
混血女模MandyLieu不擔心成為盛女，問她可會趁入馬場工作結識馬主？她說：「都好，馬主應該有錢有時間又有愛心，但我眼光唔會咁窄，感情要隨緣，我要加油搵男友。」可會羨慕熊黛林有馬主男友郭富城，可惜男方矮過女方？Mandy說：「都戥佢開心，搵男友身高同年齡都係其次，最緊要一齊要夾。」
林莉遇猴擒男
此外，林莉早前被拍得與台灣男模高以翔的哥哥高宇橋約會，她否認說：「當日一共有四人，其中兩個係同事，嗰日係傾公事。」之後她自爆最近頻頻有約：「呢個月好奇妙，識咗好多新朋友，都希望可以有進一步發展，我之前喺金像獎遇到一個新加坡人好猴急，識咗十幾日就叫我飛去探佢。」是否已叮走高宇橋？她說：「從來冇考慮過佢，我性格怕醜，唔識表達自己，佢似女版林莉，不過佢都好charm、好man。」
採訪：盧妹 攝影：林德雄