據英國傳媒透露，如果曼城拎到英超冠軍，每個球員都會攞到15萬鎊（約190萬港元）獎金，人人有份，就連季中走咗返阿根廷嘅泰維斯都有。不過，對於耶耶托尼（圖）、泰維斯呢啲天價人工嘅球員嚟講，獎金應該唔係太吸引，因為15萬鎊都唔係咩大數目，連佢哋一個星期人工都冇。至於領隊文仙尼要睇住成隊波，勞苦功高，如果奪冠嘅話，獎金亦都多啲，有50萬鎊！