姚樂怡與圈外男友吳俊匡（Alan）前晚在尖沙嘴RitzCarlton酒店筵開30席舉行婚宴，獎門人曾志偉向來視樂怡如契女，二人在台上相擁而泣，樂怡在電話中說：「我忍咗好耐，獎門人突然上台唱首情歌畀我哋聽，又話見我、Toby、家蔚等個個都嫁得好，剩番湯盈盈同佘詩曼就搞掂晒，一時感觸就喊到開水喉咁。」不少無綫藝人及一對新人的親友亦送上祝福。而眾賓客逗留至晚上11時左右陸續離場。
度蜜月簽紙
樂怡自爆與Alan仍未正式註冊結婚，她笑說：「係呀，我未係吳太，大家可以叫我做小姐。老公話去第二度（外地）簽紙型啲，計劃拍完新劇先去度蜜月兼簽紙。」她透露婚宴後未有機會洞房：「之後有派對，大家玩到兩點幾先散場，我爸爸、細佬同阿姨都醉咗，全部人去晒間蜜月套房瞓覺。」撰文：林妃
