法甲榜首位置爭持激烈，蒙彼利埃喺上周五作客，憑摩洛哥中場貝漢達（白衫）一開賽3分鐘嘅入波，結果以1:0險勝圖盧茲。全取3分嘅蒙彼利埃，雖已拋離次席嘅巴黎聖日耳門5分，不過佢哋就打多場。今晚聖日耳門作客里爾嘅大戰，蒙彼利埃當然希望里爾能夠贏波，令佢哋真正放甩聖日耳門，助蒙彼利埃歷史性於法甲封王。