夏韶聲和盧冠廷前晚在跑馬地出席nowTV舉行的「LIVEHOUSEAcousticNight」，二人合照時感觸良多，夏韶聲說：「對上一次合作哥哥(張國榮)仲喺度，我同阿盧1980年已認識，以前佢去酒廊唱歌，我都有去聽。」阿盧說：「係，加埋都過百歲。」
盧冠廷彈後輩
夏韶聲透露原本打算今年在紅館開演唱會，可惜三次入紙申請均被拒絕，他氣憤說：「我覺得紅館係黑箱作業，冇解釋，你點知冇群眾支持我呢？但唔緊要，我仲在世，遲啲打算返大陸開演唱會，我啲歌咁健康，『永不放棄』絕對啱聽。」盧冠廷希望以身作則教人做音樂，他說：「家啲人用幾粒音符就用電腦搞晒成首歌，真係唔係太識做音樂，我遲啲會去加州幫手搞音樂劇，幫佢哋作8、9首歌。」
採訪、攝影：魯萍